السلام..
يالله رجعنا لل 3D printer
طبعاً هذا هو الجزء الثاني اللي ما قرا الجزء الاول هنا
طيب نرجع للموضوع
تخيل انك قمت من النوم في يوم عطلة وانت الى الان منسدح على السرير
في لحظات تأملية وتقديسية للسعادة اللي انت حاسس فيها لانك قمت بنفسك
فكرت . ياليت اقدر ابني بيت واسكنه في نفس اليوم !! .. حسناً يا صديقي
حلمك اصبح حقيقة .
- طباعة منزل !!!!!
فيه شركة صينيه طبعت عشر بيوت بالثري دي برنتق في يوم واحد بس طريقة الطباعة
تشبه كثير طباعة 3D العادية طبقات فوق بعض
لو لاحظتوا في الصورة الثانيه موضحة طريقة البناء انها طبقات .. طبعاِ اتوقع
ان الموضوع الى الان ما تطور انه يبني فيلا مثلاً .. لانه مسألة انه يكون فيه اكثر من
طابق يبيلها دعامة .. لكن اكيد في القريب العاجل راح نشوف هذي التقنية ممكن ابني
بيتي المستقبلي فيها :) .. لكن حتى الان ممكن تستعمل لبناء فيلا تركيب مثلاً يعني
البرنتر يسوي القطع وبعدين يتم تركيبها .. مو بطريقة مباشرة
- 3D printer و الطب
هذا الموضوع مرره مهم الثري دي برنتر هو نقلة كبيرة في عالم الطب .. مهمة
في طباعة المفاصل سواءً يد او رجل او اذن او حتى بشرة يحاولون يستخدمونها لطباعة الاعضاء
زي الكلى مثلاً بس اكيد بمواد مناسبة ومو سامة .
هذي صورة لرجل بريطاني فقد الجزء الايسر من وجهه بعد ازالة ورم بعد هذي العملية
صار ما يقدر يشرب الا مباشرةً من معدته .. لكن الاطباء صممو له الجزء الايسر بواسطة
3d printer وتمت طباعة وجهه وهذي العملية خلته يقدر يشرب من فمه مره ثانيه :)
 | ||
| هذي صورته مع زوجته - سوري ما قدرت انزل صورته قبل العملية حسيت انو مو الكل راح يتقبلها .. لكن اذا كنت مهتم لللموضوع تقدر تكتب في بحث قوقل للصور 3D printed face وراح يطلع لك كل الصور . |
تقدر بعد تطبح ادوية ( الحبوب بس طبعاً )
- القلم الثلاثي الابعاد !!
لو قلنا انك مثلاً كنت راح تصمم شي على الثري دي برنتر .. بس حبيت تسوي
سكتشز قبل ما تتم العملية وحبيتها تكون بثري دي عشان تاخذ صوره اوضح للشيء
على الواقع .. نعم نعم تقدر يا صديقي :)
فيه قلم ظهر اسمه 3Doodler المهم هذا القلم راح يخليك ترسم بيدك ثري دي
الموضوع مو سحر هو ببساطة المادة اللي ترسم فيها تنشف بسرعه
فتصير ترسم في الهواء بدون ما يكون فيه ستاند .
هذا القلم يتحدى الجاذبية xp
 |
| خطير صح @@ |
سعرة معقول اتوقع ما راح يتجاوز ٣٠٠ ريال
هذا موقع الشركة اللي مهتم انه يشتريه راح تنزل النسخه الجديده المحسنه
قريب هنا
- هل اقدر اشتري 3D printer ؟
يس .. وبعد نازله باسعار مررره زينه فيه بعضها بالفين الى عشر الاف
( طبعاً اتكلم عن الطابعات للاستخدام الشخصي ) .. انا شخصياً قاعدة افكر اشتريها
لكن مستحيل اشتري اللي بالفين الى ثلاث .. لانه تعتبر رخيصه وغالباً تكون رديئه فا اذا راح ادفع
بادفع على كواليتي زين ممكن حدود خمس الى ست الاف معقوله وتخليك تتطمن
طبعاً قبل ما تشتري اي جهاز يفضل انك تفتح اليوتيوب وتشوف الرفيوز وان بوكسنق
للجهاز وحاول قد ما تقدر ان تثق بالرفيوز اللي يقدمونها الناس العادية لانه غالباً
مافيه شركة تدفع لهم
- اشياء ثانيه اقدر اسويها بال 3D printer ؟
اممم صراحة كثييير انتو فكروا فيها كطابعة تقدر تطبع كل شي
واذا لقيت شي ما تقدر تطبعه كون انت اول وفكر بطريقة تطبعه فيها هم موش احسن منك
اكيد .. اعظم الانجازات تجي من افكار بسيطه .. لكن الافكار تتطور
لكن تبون تعرفون اغرب شي ممكن تطبعه الطابعة ؟؟؟
3D printer ممكن جداً انه يطبع نفسه WHAAT!!!
لو فكرت فيها عادي في النهاية جهاز 3D printer عبارة عن قطع
وال ثري دي برنتر تقريباً يقدر يرسم بأي مادة فا ليش ما يطبع نفسه !!
في الختام احب اقول لكم شي واحد ادخلوا اليوتيوب اكتبوا 3D printer
ادخلوا في ساعات من السعادة ( ايه قضيت ساعات وماني نادمه عليها
بالعكس بعد ما اخلص من كتابة الموضوع راح ارجع اشوف اكثر )
ليست هناك تعليقات:
إرسال تعليق