سلام ..
طبعاً مين اللي ما يعرف قصة بينوكيو القصة المشهورة اللي من الصغر واحنا نطالعها.. فيها
اشياء كثيرة كانت مثل العبر للاطفال .. مثلاً ان اذا كذب طال انفه او اذا ماراح المدرسة بيودونه
جزيرة المرح ويحولونه هناك الى حمار ( مع انهم ما ادري وش يحسون فيه شوي xp) .. او انه لازم
دايم يسمع لضميره .. الزبدة انها كانت من اكثر القصص اللي الاهل يحبون يورونها لاطفالهم .
اليوم وانا افتح السناب تشات واحد من اللي ضايفتهم سأل سؤال قعد يدور في راسي
اللي هو لو قال بينوكيو " انا انفي راح يطول الحين " في هذي الحالة عندنا موقفين .
الأول : انفه راح يطول
الثاني : انفه ماراح يطول
طيب لو انفه طول يعني هو صادق فا ليش يطول انفه من الاساس .. من الجهه الثانية لو انفه
ماطول يعني هو كذاب يعني لازم يطول انفه .. شفتوا قد ايش الموضوع يحوس.
طبعاً محسوبتكم ما خلت الامر يعدي بدون ما تنبش وراه xD .. رحت ودورت عن الموضوع
في قوقل .. طلع اثر السالفه مشهوره لا وبعد موجودة بويكي .
ايش سالفتها هذي ؟
السالفه وما فيها ان هذا الشي اسمه paradox او بالعربي المفارقة او التناقض .. المفارقة
هو فلسفة لشي مناقض مع نفسه وفيه شي اسمه lair paradox مفارقة الكذاب .. هو مثل
اني اجي واقول " انا كذابة " .. اذا كانت الجملة صح يعني انا كذابة فا على اي اساس
الجملة تكون صح .. واذا كانت الجملة غلط يعني انا صادقة طيب ليه قلت جملة غلط على كذا انا كذابة
يعني سالفه بينوكيو من اول وجديد .. مفارقة بينوكيو هي تقريباً مثل مفارقة الكذاب .. بس الفرق
واللي خلاها مشهورة اكثر ان مالها اي روابط بمعاني الحروف او القواعد بعكس مفارقة الكذاب
( عشان اكون صريحه انا مافهمت هذي النقطه مره .. بس من وجهة نظري ان الفرق بين
حقت بينوكيو والكذاب واللي خلا مفارقة بينوكيو اشهر .. هو انه مافيه احد يقدر ينفيها ..
بعكس مفارقة الكذاب اللي ممكن يجي طبيب نفسي ويجيب نظرية علمية عن شي ).
من اللي طرح هذا السؤال ؟
اول من طرح هذا السؤال هو بنت عمرها ١١ سنه عام ٢٠٠١م اسمها Veronique Eldridge Smith
ابوها يشتغل في جامعه متخصص في المنطق وفلسفة المنطق .. راح وشرح مفارقة الكذاب لبنته وولده
وقال لهم جيبو لي مثال عليهم .. فقامت بنته وقالت لو قال بينوكيو انو انفي راح يطول الان .. اعجب
الابو في سؤال بنته وكتب مقاله عنها ومن بعدها اشتهرت .
في النهاية هذا السؤال ماله حل هو بالاحرى زي الدوامة مهما تناقشنا نرجع لنفس النقطة ..
بس الوحيد اللي ممكن يفيدنا او يفتي في هذا الموضوع هو الكاتب .. نظرياً انها قصته وكيفه
عاد يشطح باللي يبي .. بس للاسف انه مات من اكثر من قرن :[ .
Good bye, and good luck :)
مصادر:
* اللي يبي يصك من هنا عاد بكيفه .. بس انا شفت هذي الصورة
وفيها صاحبها حاط نظريتين عن هذا المفارقة .. وحبيت اتناقش فيها
* اللي يبي يشوفها كبيرة يضغط على الصورة
اللي فهمته منها ان اول نظرية ان يكون بينوكيو معتقد
بهذا الشي فا اذا كان معتقد ماراح يكون كذاب .. مثلاً
لو قلنا انه قال الجملة وهو مؤمن ان انفه راح ينمو وما
نما فهو راح يتفاجأ بس بنفس الوقت راح يكون صادق لانه
معتقد بهذا الشي .
- انا هنا اقول انه تقريباً مو منطقي على اي اساس بينوكيو
راح يعتقد بهذا الشي وهو عارف ان انفه ما يطول الا اذا كذب .
اما بالنسبة للنظرية الثانيه ال NGM ( نمو الانف الميكانيكي)
والجملة اللي في النهاية .. اللي هي انه راح يقول
" يا اما انفي يكبر الان ، او راح اصير ولد حقيقي ".
- اتوقع هو شرحها بنفسه انها ميكانيكي يعني شي مرتب حرفياً
لو قال شي كذب راح يطول خشمه .. يعني ما فيه اي كلام بالموضوع
لانه حركه ميكانيكيه .. لان النجمة قالت له انه لو كذب راح يطول خشمه
ما قالت راح البي لك شروطك .. اذا هي حركة ميكانيكيه ما تقدر تحجر
عليها .. هذي النظرية ابداً مو منطقيه وهبلا .
ليست هناك تعليقات:
إرسال تعليق