السلام ..
اليوم جاية مع بوست جديد عن الشفرات والالغاز .. مثل ما وضحت في البوست
الاول : هنا .. انه عندي اهتمام للشفرات وهذي الاشياء .. يعني لو كنت بختار كتاب
او فيلم وكان في الخلاصة حقته تشفير والالغاز ومخابرات وخرابيط .. راح يكون اختياري
الاول .. فقلت ليش ما ابدأ بتاريخ التشفير عشان اكون واضحة اكثر .. اقدم رسالة معروفة عن
تحليل الشفرات .
هذي الرسالة كانت لفيلسوف العرب العالم المسلم يعقوب بن اسحاق الكندي " او مثل ماهو
معروف بالكندي فقط " .. الكندي كان من علماء ونوابغ العصر العباسي القرن التاسع للميلاد
( حوالي القرن الثاني هجري) .. كتب في الفلك والفلسفة وكيمياء والفيزياء والطب والرياضيات
والموسيقى وعلم النفس والمنطق .. والاهم انه كان رائد في تحليل الشفرات (cryptanalysis)
مع ان هذي الكلمة ما طلعت الا بعد الف ومئة سنه من كتابته عن هذا المجال .
