السلام ..
اللي شاف سلسلة الافلام الرهيبة قراصنة الكاريبي pirates of the caribbean راح يلاحظ ان في الجزء الأول
سبارو وترنر اخذو قارب ومشوا فيه تحت المويه عشان يحافظون على مساحة هوا يتنفسون فيها ..
اذكر اول ما شفت المشهد حيرني كثيير .. مو لانه كيف شخصين يغرقون قارب ضد المويه .. لا كنت
اقول كيف يتنفسون داخل المويه مو مع هذا الوقت يمدي انه تتملى مساحه الهوا مويه و الهوا يروح فقاقيع
الى سطح البحر .
اوك اليوم راح اجاوب عن هذي الاسئلة المحيره !!
- هل من الممكن شخصين يغرقون قارب ؟
في برنامج MythBusters سوو تجربة عشان يشوفون اذا الحركة اللي سواها سبارو وترنر ممكنه ..
طبقوا هذي التجربة في مسبح كبير .
* اول مره قلبوا القارب مثل ماهو مبين في مشهد القراصنة وحاولوا يغوصون لكن ما قدرو يقاومون
المويه لان القارب استمر يطفو ✖
* لبسوا ٦٠ باوند من المعادن .. وبرروا ان القراصنه اكيد يكونون ثقال من الاسلحه والاكسسوارات
وسوو مثل الخطوه اللي قبل لكن استمروا يطفون والقارب ما غاص ✖
* هل مره قرروا يسوونها بطريقه مختلفه شوي قالوا ليه ما نربط القارب بارضيه المسبح باوزان ثقيلة
القارب راح يغوص لكن ماراح يكون هناك مساحه هوا داخل المويه لانهم اكيد ماسووه بطريقه مباشره
.. عشان كذا راح يلبسون قناع اكسجين وراح ينفخون او يحطون الهوا داخل القارب عن طريق فقاقيع
الهوا اللي تخرج منهم وممكن عن طريقها يكونون مساحه هوا .. لكن للاسف هذي الطريقة بعد فشلت ✖
* هل مره قالوا لازم نعرف كميه القوه اللي قاعده تقاوم غوص القارب .. فقاموا خلوا القارب بوضعه الطبيعي
مو مقلوب او اي شي وخلوه يطفوا على سطح البركه وبعدين قاموا يملونه مويه ( السطل الواحد٩٠ باوند )
عشان يحسبون الثقل .. اخر شي توصلو ان كميه الثقل اللازم عشان يغرقون القارب ٢٠٠٠ باوند
(كثير صح!!) .. يعني اذا جينا نبي نغرق القارب لازم نعرف ان فيه ٢٠٠٠ باوند من القوه قاعده تدفعه
للاعلى .
طبعاً ما فيه داعي اقول لكم ان هذي الطريقة مستحيييل يسوونها شخصين .. هذي على الاقل على
الاقل تحتاج ١٤ شخص .
* طيب كيف طبقوها في الفيلم ؟
طبعاً هذا فيلم يعني اكيد عندهم خدع الموضوع بسيط
المشهد راح نقسمه الى ثلاث اقسام
١- القسم يوم يرفعون القارب ويدخلون البحر
٢- يوم يمشون على قاع البحر
٣- يوم يتكلمون داخل مساحه الهواء
القسم الاول .. هذا اتوقع ما يبيله شرح شالوا القارب ومشوا على البحر .. مشهد عادي مافيه
شي عجيب .
القسم الثاني .. وهو اللي فيه الخدعه .. التفسير الوحيد اللي كيف هم مشو على قاع البحر
انهم خرموا فتحات في وسط القارب فا يوم قلبوا وغاصوا فيه ما كان فيه اي مقاومه للهواء
يعني ما يحتاج ذاك القوه .
القسم الثالث .. التفسير الوحيد انهم صوروا المشهد واصلاً القارب كان يطفوا فوق سطح البحر .
يعني المشهد هو خدعه من خدع هوليوود .
* طيب الحين لو قلنا ان عندنا القوه اننا نغرق القارب هل راح تتكون مساحه الهوا تحت ونقدر نتنفس ؟
انا هنا وبما انه كان السؤال اللي محيرني من زمان .. قلت خليني اختبر هذي الحركه
بنفسي وبطريقتي .
فكرتي اني اخذ ورقه والزقها على اي شي مجوف .. بس راح الزقها بشكل طولي عشان اعرف طول
مساحه الهواء اللي بتكون داخل بعدين راخ اغوصها في المويه بشكل مباشر ومستقيم عشان ما اضيع الهوا
بس يوم اغوصها اخليها في منتصف الحوض ماراح اوصلها للقاع .. احاول احركها شوي داخل الحوض
( لو تلاحظون قاعده امثل المشهد في الحوض عشان الاحظ اذا مساحه الهوا راح تبقى ولا راح
تروح عن طريق فقاقيع ) .
اول شي اخذت ورقة وسويتها بهذي الطريقة
لزقتها على فنجال
غرقتها بشكل مستقيم ومباشر .. وسويت مثل ما قلت ومثلت المشهد .. ما خليتها تلمس القاع
خليت الفنجال في المنتصف وحركتها كانها تمشي وبعدين طلعتها .. بطريقه مستقيمه
يس يس يس يس !!
الورقة كانت ناشفه مع اني مثلت المشهد تماماً وخليتها حوالي دقيقه داخل الصحن
بس اطراف الورقه هي اللي جاها المويه .. بس المساحه اللي ما جاها شي
لو قسناها على قارب راح تكون مناسبه مثالياً انه يتنفس فيها انسان ✔
من هذا راح نستنتج انو لو كان عندهم القوه انهم ينزلون القارب الى تحت راح يقدرون يتنفسون
لمده قريت انها ممكن تمتد لثلاث ساعات .. هذي المدة اكيد راح تكفيهم عشان يروحون
للقارب اللي راح يسرقونه (او من وجهة نظر جاك سبارو commandeer that ship ) وينقذون اليزابيث
بس مثل ما قلنا هذي العمليه تحتاج على الاقل ١٤ شخص واذا قدروا يغوصون الاكسجين اكيد ماراح
يكفيهم هذا ان كفت روسهم تدخل القارب .
وبس ☺
ليست هناك تعليقات:
إرسال تعليق