السلام ..
من كم شهر وانا اطالع المسلسل الذي لن يتكرر ♥ Game of thrones .. المهم وانا اطالعه
كان فيه مشهد يوم ستانس باراثيون امر انهم يقتلون ابن اخوه الغير شرعي .. عشان ما يكون
اولى منه في الحكم .. المهم وقتها دافوس ما رضى بهذا الامر وقام الفجر وجهز قارب وهرب الولد
.. بس قاله ان مهما عطش لا يشرب من مويه البحر ابداً!! .. هذا الكلام خلاني اتسائل كثيير
ليش ما اشرب من مويه البحر ؟؟
طبعاً تخيلوا نفسكم انتم في هذا الوضع .. الوضع بيكون صعب وبنفس الوقت يقهر
يعني الحين انا بموت من العطش وحولي كل هذي المويه اللي ما اقدر اشربها!!
- لو قلت ان الوضع خربان خربان وراح اشرب من المويه ايش راح يصير ؟؟
ابد سلامتك بتموت اسرع من قبل .. وراح تضيع عليك وقت ممكن يكون فيه امل ان احد ينقذك
- كيف ؟؟
يوم تشرب من المويه في النهاية راح تروح للكلية اللي تعمل كفلتر ( صفايه ) تاخذ المفيد وترسل
الفضلات الى المثانة وبعدين تروح عن طريق البول ..بس ايش المشكلة الحين ان الكلية ما تقدر
تخرج بول من تركيز ملح اكثر من ٢٪ وتركيز ملح مويه البحر هي ٣٪ .. يعني لو قلنا انك شربت
من مويه البحر .. كليتك راح تاخذ المياه الموجوده في جسمك عشان تخفف الملح الزايد ..
يعني انت بهذي الحركه خليت نفسك تعطش اكثر من قبل .
يقولون انو مثلاً لو شربت لتر من مويه البحر وانت عطشان هذا راح يخليك تحتاج على الاقل
الى لتر ونص مويه .
- طيب فيه طريقة امنه اشرب فيها مويه البحر ؟
صراحة انا ما ادري اذا هي امنه ولالا .. الحمدلله ما عمري كنت بموت من العطش !!
بس فيه شخص اسمه Alain Bombard سوا تجربه سماها Voluntary Castaway
هي انك تشرب كميه صغيره من مويه البحر مقدار ملعقة كل ٢٠ دقيقة .. هذي الكمية
تشربها بشويش وتخلي اللعاب في فمك يقلل من نسبه الملوحة .
ما ادري اذا كانت هذي الطريقة فعاله .. ادري انها مستحيل تروي العطش بس السؤال
هل بتبقيك حي مده كافيه ؟؟
- طيب ما فيه طريقة ثانيه ؟
ايوه اذا كنت على سطح سفينه مثلاً وتقدر تغلي المويه
اذكر يوم كنت في رابع ابتدائي استاذة العلوم علمتنا هذي الطريقة .. وانا من
الحماس او ما رجعت البيت طبقتها على طوول xP .. هذي الطريقة كيف تنقي
مويه البحر عن طريق الغلي .
او ممكن يكون عندك فيلتر وتريح راسك .. لكن المصيبة لو صار لك حادث وغرقت
السفينه ولقيت نفسك متمسك بقطعه خشب في وسط البحر هنا ما عندك غير
تسوي نظرية Alain وتتوكل على الله .
وبس ☺
Take Care ♥
* الصورة ادري ان مافيه سمك يموتون عطش بس حسيتها معبره ☺٫
مصادر:
ليست هناك تعليقات:
إرسال تعليق