السلام ..
اليوم انا جايه ب DIY بس من نوع اخر .. نوع راح يعجب الناس الخطيره الرهيبة الجميلة العبقرية
+ الويردو مثلي .. اليوم راح اسوي دوفيتر ( على اساس انها تصغير دفتر x_x) باب شيرلوك هولمز
لقيت هذي الطريقة في اليوتيوب قلت لازم اسوي النسخه الخاصه فيني وبطريقة مختلفه شوي ..
طبعاً مشاعري اتجاه شيرلوك معروفه منذ قديم الزمان .. افلام روايات مسلسلات .. عندي هوس مو طبيعي
فيه اي شي يكتبون عليه مستوحى من شيرلوك او حتى قصه شيرلوك تلقوني اول الصف .
الدوفيتر هذا مخططه اخليه My Q Book راح اخليه حق كل الاسئلة اللي تخطر على بالي لعلى وعسى
اكون مره فاضيه واجاوب بعضهم .. يعني هو مو للكتابه عشان كذا اخترته صغير لانه اكيد راح اخلي
كل صفحه لسؤال واحد فا مافيه داعي للمساحه الزايده .. وبعدين شكله كيوت وهو صغير xP
طبعاً اللي بس شافو المسلسل بعد اكيد يعرفون عنوان شيرلوك لان باول حلقه يوم جا واتسون يدور
على بيت بروميت وكانوا بالمختبر وبعد ما حلل شيرلوك شخصيته بكل عبقريه OO .. في النهايه قاله عنوانه
221B
(بايكر ستريت)
يلا بسم الله نبدا .
اول شي تحتاجون دفتر صغير ويفضل يكون ماخذ شكل باب .. لكن اللي عندي
شوي مايل للمربع فا انحديت اني اقصه .. انا عن نفسي ما افضل انكم تشترون هذي
النوعيه من الدفاتر لان يوم نجي نصبغها الالوان فيها ما تنشف تماماً وراح تبهذل حاولو تدورون
شي ملمسه الخارجي شوي ورقي .
قصيت طرفين الورق المقوى اللي برى بالمشرط .. بعدين اخذت مسطره واحطيتها على الورق
اللي جوا بس عملت حساب ان الورق العادي يكون اقصر من الورق المقوى .
بعدين اخذ نايلون والف فيه الورق .. لان الحين احنا راح نلون وما نبي نحوس الدنيا .
انا اخترت اللون البني حق عامة الكتاب وحسيته يعطي ستايل البوك ونفس الشي يناسب
اللون الاسود - اللي هو لون الباب - .
طبعاً هذي الخطوة راح تاخذ منك وقت انا عن نفسي لونته ثلاث طبقات وانتظرت بين كل طبقة
طبعاً هذي الخطوة راح تاخذ منك وقت انا عن نفسي لونته ثلاث طبقات وانتظرت بين كل طبقة
وطبقة الى ان يجف * لا تنسون الاطراف .
في الجهه اللي انا مخططه انها راح تكون الواجهه احط على طرفها لزقه
عشان بصبغها اسود .. اللزقة احسن عشان تطلع مرتبة .
اخذ لزق واقصصه قد ما اقدر عشان يناسب تصميم الجدار ( تصميم باب الكتاب هو بالضبط
نفس باب شيرلوك .. تقدرون تبحثون عنه بقوقل Sherlock door )
هذي الخطوة متعبة شوي .. لكن صدقوني تستاهل راح تفرق كثير عن الشغل اللي تسوونه
بيدكم لان مهما كان اليد تعرج شوي .
بعدين لونو اللزقه انا اخترت رمادي .
راح تصير مثل كذا .. شفتوا ارتب بكثيير من لو قمنا سويناها بيدنا .. ادري انها
مو بيرفكت بس حتى تفرق كثيير .
انا دورت اشياء كثيره تكون ذهبيه في النهاية لقيت هذا عصار الزجاج قلت خلاص خل
اجربه .. وبعدين اخذت الرصاص وسويت سكتش على الدوفيتر!! اسم الشارع
وقارع الباب والعين واللي مثل المستطيل اللي تحت هي على اساس ان يكون مكتوب عليها شيرلوك
بس عاد انا قلت ماراح اكتب عليها شي لانه بيكون مررره صعب .
بعدين لونو الجزئين الداخليين بالبني والجهه الثانيه الاسود .
بعدين قصيت ورقه ولزقتها عليها من الجهتين ( انا عندي قصاصه صغيره موجوده في
جرير مررره حلوه وتساعد كثييير وتضبط القص ) .
******
and we are done :)
وبس وخلصنا .. حبيت الدفتر كثير .. وحبيت اني اسوي شي من ايدي عن شخصيه انا مررره
احبها .. وبعد حبيت سالفه اني خليت ماي كوسشن بوك مرتبط بشرلوك كذا تعطيني الهام تحقيقي :) .
اشوفكم في دو ات يور سيلف عن شخصيات ثانيه انا احبها ..
شكرا على الطريقة والله يعينك على استهبالك ههه انا شخصيا عندي عاطفة مثل مذكرة صغيرة مثل تلك ادون فيها نقاط المهم راح حاول اعمل مثلها و احذري من تحطي اسئلة يتفجر راسك بها خخخ
ردحذف