السلام..
وانا صغيرة ايام الطابعات العادية 2D كان عندي حب للطباعه مو طبيعي كنت اجمع صور
انيمي وكرتون وهيفاء وهبي ونانسي عجرم !!! (الطفولة كانت شوي مظروبة xp ).. واطبع فيهم
كنت دائماً اتهزأ على الحبر اللي اضيعه .. الشي اللي ما عرفته انه راح يكون فيه طابعه خطيييره
ثانيه راح تنزل .. طابعة ثلاثية الابعاد 3D Printer .. انا متأكده ان لو هذي الطابعه كانت متوفرة
للجميع وانا صغيره انها راح تكون شغفي .. تصميم وبناء اشياء من عدم هذي جنة بالنسبة لي .
- ايش ال 3D printing ؟
هذي التكنولوجيا من الثمانينات يعني مو من وقت قريب مثل ما البعض يتصور .. لكن متى اشتهرت من
كم سنه تقريباً.. هي تكنولوجيا تصنيع تكون لنا جسم ثلاثي الابعاد .. طريقته انه يرسم طبقات رقيقة
من مادة معينة فوق بعض الى ان يكون الشكل النهائي .
لو فكرتو فيها ال 3D printer ممكن تكون نوعاً ما اقتصادية لانه في عملية التصنيع تستخدم كمية
المادة المطلوبة بالضبط .. مو مثل العمليات الاخرى اللي يكونون قطعه معينه ويتم حفرها او نحتها
عشان يكونون الشكل المطلوب .. وبكذا نكون ضيعنا مادة خسارة :/ .
- 3D Printer والاسلحة ؟
من فترة كنت اطالع حلقة من حلقات المسلسل (elementary (S2E1 في هذي الحلقه كان
المجرم مستخدم مسدس مطبوع بالثري دي برنتر .. الشي اللي كان في هذا المسدس انه
انه القطعه المعدنية الوحيدة اللي فيه هي الرصاصة اما الباقي كان مصنوع من بلاستيك
على ما اظن او مواد شبيهه لها .. المجرم ايش سوا اخذ المسدس واذابه في الاستون واختفى تماماً
واخذ الرصاصة واستخدمها ك مسمار ثبت فيه لوحة على الجدار .
السؤال الحين هل اقدر صدق اطبع مسدس ؟؟ .. واذا اقدر هذا يعتبر من مخاطر الطابعه صح ؟؟
اجابةً على اول سؤال .. ايوه اقدر فيه واحد مشهور قريت عنه من سنه تقريباً اسمه Cody Wilson
المهم هذا العم له سنتين وهو حاط براسه انه يستخدم البرينتر عشان يصنع اسلحه وسو معاه مقابلات
كثيره وما بين معارض ومأيد .. الولد قدر انه يطبع مسدس بالثري دي برنتر .. وتصاميم متاحه
للجميع .. طبعاً الموضوع مو بهذي السهولة اذا كنت ناوي تصنع مسدس بالثري دي برنتر لازم
المتريل حقك يكون كواليتي عالي وتكون دقيق بتركيبه لان اي غلطه ممكن جداً انه ينفجر بوجهك!! .
اما السؤال الثاني .. ايوه اكيد يعتبر من المخاطر لانه راح يكون في مقدرة الجميع .. لكن من وجهة
نظري الخاصه ان هذي مو المشكلة .. اللي يبي يمتلك مسدس وبنيته جريمة صدقوني ماراح يوقفه شي
ابداً .. حتى مو شرط يقتل بمسدس اذا ضاق عليه الموضوع .. المشكلة الحقيقية بنظري انه يصير مثل ما
صار بالمسلسل ان السلاح قابل انه يختفي نهائياً وباشياء عاديه وموجودة بأي بيت الاستون (مزيل المناكير)
 |
| ويلسون ماسك المسدس المطبوع |
- 3D printer والاكل ؟
تم تراااااااااام .. ايوه حلم الجميع اصبح حقيقه مهمة الرشاقه في القريب راح
تكون اصعب من الحين لان الاكل راح يكون بلا تعب .. يعني تخيلو معاي انا قاعدة
على جهازي اشتهيت اني اكل بيتزا افتح البرنامج اصمم البيتزا حقتي بالشيب اللي ابيه
والاسوي الاعدادات واضغط برنت واخلي الباقي على البرنتر .. راح يكون السعادة بحد ذاتها
قبل اي شي حبيت اوضح المشهد الرومانسي (مع الاكل !! ) اللي فوق هو نظره للمستقبل
لكن مستقبل بأذن الله راح يكون قريب موبعد .. طابعة الاكل موجودة الحين لكن نقدر نقول في
خطواتها الاولى مو بمواصفات عالية واللي تخليك تفكر تشتريها صدق (طبعاً لو بغيت تقدر تشتريها
من الان ) .. الحين فيه كم شركة نزلت الفود برنتر مثل foodini و chefjet .
ال foodini كيف تشتغل .. لو افترضنا اننا نبغا البيتزا قبل اي شي الطابعة يكون فيه زي الحقن
اللي راح ترسم الاكل .. يعني قبل لا تسوي اي شي لازم تحط المقادير في الحقن ( اتوقع يكون فيه ثلاثه )
الاول العجينه والثاني الصلصة والثالث الجبنه مثلاً .. الجبنه لازم تكون متماسكه مو جافه ( يعني قابله للرسم)
.. وبعدين راح تروح للكمبيوتر حقك وتسوي التصميم وبعدين تضغط برنت .. تحسب نفسك خلصت لا طبعاً
الا اذا كنت تبي اكل مو مطبوخ .. الفوديني مايطبخ بس يرسم .. يعني لازم تدخل اكلك للفرن .
يعني لو انك طبخت اكلك بنفسك كان احسن .
 |
| نفس اللي شرحته - لكن اتوقع ان الجبنه مو الآلة اللي حطتها هم حاطينها بنفسهم |
ناسا قاعده تشتغل بالموضوع بعد .. بتقولون وش دخل ناسا الثري دي برنتر
راح يحل مشكلة كبيره يواجهونها رواد الفضاء اللي هي الاكل .. مثل ما تعروفون صعب حفظ الاطعمه
لمده طويله في الفضاء فغالباً يخلونه بودر وعند الاكل يزيدونه مويه لكن بطريقه بدائيه شوي وخيارات اكل قليله .. الثري
دي برنتر راح يمشي بنفس الطريقه لكن بخيارات اكل اكثر وشكل يفتح النفس .. في النهايه رواد الفضاء
بشر ويهمهم المنظر قبل الطعم اللي بعد بيكون يسد النفس لانه مو فرش يعني كافي عليهم انهم منحكرين
في الفضاء .. المهم الطريقه انهم يجزأون المواد الاساسيه للشي الى مواد جافه (بودر)
مثلاً التشوكلت : حليب بودر - كاكاو بودر - سكر بودر .. وبعدين تتم عمليه الطباعه .
انا ما اقول ان الفكره غبيه بالعكس ابداً .. انا عارفه انها يوم من الايام راح تتطور وتكون لنا شيف
في البيت .. ممكن يكونون آلة تستوعب اكثر من حقنة وبكميات كبيرة وتكون اقرب لطريقة ناسا
انها تكون بودر هذي البرنتر المستقبليه ممكن ان تشتري المقادير اللي تعجبك بكميات تستمر لشهر مثلاً
وتكون فيه تصاميم جاهزه ( لاشهر الطباخين ) تشتريها اون لاين .. هذا البرنتر راح يكون فيه عمليه
طبخ بكذا ماراح تحتاج الفرن .
لكن بالنسبه لل foodini وغيرها احس ان البرنتر الى الان مو قابل انه ينزل بالاسواق ..لانه
في مراحله الاولى .. ممكن يفيد اكيد بالحلويات والتشوكلت عشان تنطبع بالديزاين المرغوب
هنا اوك ..لكن للانواع الثانيه للاكل لا ما اتوقع جاهزه الى الان .
وبس هذا اللي عندي للجزء الاول ☺
في الجزء الثاني راح اتكلم عن :
هل اقدر اشتري ثري دي برنتر ؟
هل اقدر اطبع لنفسي بيت ؟!!!
3D printer و الطب ؟
وقلم الثري دي برنتر!!
واشياء اخرى تستعمل فيها
Take care ❤
الجزء الثاني : هنا
المصادر :
ليست هناك تعليقات:
إرسال تعليق