السلام عليكم ..
يالله من زمان ما كتبت شي .. مو كيفي لكن للاسف مرت علي فترة صعبة كثير .. الله لا يعيدها
.. بغض النظر انو يجيني احساس كبير انو انا قاعدة اكتب لحالي .. لكن مهما كان اذا ما استفاد منها
احد على الاقل اكون سويت لي شبه مسودة عشان ارجع لها واتذكر معلوماتي .
المهم ما علينا .. اليوم راح اكتب جزء ثاني من سلسلة الالغاز والشفرات - واضح اني احبها كثير هذي السلسلة -
(شفرة قيصر)
ومثل العادة هذي الشفرة عرفتها من من مسلسل او فيلم .. هذي المره عرفتها من مسلسل white collar
صراحة ما اذكر في اي حلقة او اي موسم بالضبط اصلاً من زمان عن المسلسل .. لكن اللي اذكرة انو موزي
يوم كان معجب بالويترس اللي في المطعم اللي يجيه كتب لها كلام بهذي الشفره وقالها حليه .
سموها شفرة قيصر لانو يعتقدون ان القيصر يوليوس كان يستعملها في مراسلاته السرية .. طبعاً الشفرة تعتبر
من الشفرات الكلاسيكية البسيطة ومو امنه ابداً .. لانها تعتمد على نمط معين .
