السلام ..
اليوم جاية مع بوست جديد عن الشفرات والالغاز .. مثل ما وضحت في البوست
الاول : هنا .. انه عندي اهتمام للشفرات وهذي الاشياء .. يعني لو كنت بختار كتاب
او فيلم وكان في الخلاصة حقته تشفير والالغاز ومخابرات وخرابيط .. راح يكون اختياري
الاول .. فقلت ليش ما ابدأ بتاريخ التشفير عشان اكون واضحة اكثر .. اقدم رسالة معروفة عن
تحليل الشفرات .
هذي الرسالة كانت لفيلسوف العرب العالم المسلم يعقوب بن اسحاق الكندي " او مثل ماهو
معروف بالكندي فقط " .. الكندي كان من علماء ونوابغ العصر العباسي القرن التاسع للميلاد
( حوالي القرن الثاني هجري) .. كتب في الفلك والفلسفة وكيمياء والفيزياء والطب والرياضيات
والموسيقى وعلم النفس والمنطق .. والاهم انه كان رائد في تحليل الشفرات (cryptanalysis)
مع ان هذي الكلمة ما طلعت الا بعد الف ومئة سنه من كتابته عن هذا المجال .
الكندي هو اول من كتب عن هذا التخصص في "رسالة استخراج المُعَمى" .. في هذي
الرسالة كتب عن اسلوب اسمة التحليل التكراري .
فكرة هذا الاسلوب ١: تصنف الحروف في الجملة اللي تبي تشفرها الى .. اول اكثر حرف متكرر
..ثاني اكثر حرف متكرر .. ثالث اكثر حرف متكرر .. الخ .
٢: تاخذ اكثر حرف تكرر وتبدلة برمز او رقم او حتى حرف ثاني ( طبعاً تبدل كل حرف بالرمز اللي تبيه في
كل الجملة اللي تبي تشفرها )
٣: ممكن تسوي هذي الحركة بثاني اكثر حرف تكرر وثالث ورابع حتى لو بغيت تشفر الجملة كله
بس كل ما شفرت راح تكون اصعب حلاً وممكن بعد تكون شبه مستحيل حلها .
هذا اقتباس لرسالة استخراج المُعمى للكندي .. عن التحليل التكراري .
"فمما نحتال به لاستنباط الكتاب المعمى إذا عرف بأي لسان هو أن يوجد من ذلك اللسانكتاب قدر ما يقع في جلد أو أشبهه فنعد مافيه من كل نوع من انواع حروفه، فنكتب علىأكثرها عدداً الأول، والذي يليه في الكثرة الثاني، والذي يلي ذلك في الكثرة الثالث، وكذلك حتىنأتي على جميع أنواع الحروف، ثم ننظر في الكتاب الذي نريد استخراجه فنصنف أيضاً أنواعصوره، فننظر إلى اكثرها عدداً، فَنَسِمُهُ بسمة الحرف الأول، والذي يليه في الكثرة فنسمه بسمةالحرف الثاني، والذي يليه في الكثرة فنسمه بسمة الحرف الثالث، وهكذا.. حتى تنفذ أنواع الصورالمعماة لحروف الكتاب المقصود استنباطه".
مثال:
تخيل نفسك مجرم وسجنوك .. احد من اتباعك زارك في السجن وانت تبي تبلغه
انك تخطط للهرب في يوم معين .. لكن ماراح تقدر تقوله لان اكيد الحرس يراقبونك
فبدال ما تقوله عطيته كتاب وقلت له اعطي هذا الكتاب لزوجتي .
١: اول شي راح احدد الجملة
" غداً الساعة الثانية صباحاً، انتظرني خارج السجن "
٢: راح نقسم الاحرف بالاكثرية
الالف: ١٠
النون: ٤
اللام: ٣
الراء : ٢
التاء المربوطة: ٢
السين: ٢
الياء : ٢
الجيم : ٢
( اما الباقي ما تكررت ابداً )
٣ : راح نفترض ان صديقك دلخ شوي (غبي) فا ماتبي تصعب الشفرة
عليه وارح تشفر اول ثلاث اكثر احرف بس وراح تستخدم رموز عشان اسهل
وقررت انك تستبدل
الالف : #
النون :&
اللام : ^
راح تكون الجملة
غد# #^س#عة #^ث#&ية #&تظر&ي خ#رج #^سج&
* مثل ما تلاحظون الشفرة سهلة وما تاخذ وقت على ما تنحل .. هذا يعني
انه ممكن ينكشف سرك بسهولة
أو
نقول انك قررت تشفر اغلب الرسالة هذا راح يخليها اصعب حلاً شوي
واذا صديقك الدلخ ما فهمها زوجتك اكيد بتساعده ( الواضح اني عايشه الجو :P)
الالف:# / النون:& / اللام:^ / الراء:٪ / التاء الموبوطة:$ / السين:@ / الياء:! / الجيم:*
راح تكون الجملة :
غد# #^@#ع$ #^ث#&!$ #&تظ٪&! خ#٪* #^@*&
* لاحظتوا قد ايش الجملة تشفرت وصار صعب جداً حلها
طيب ايش راح يصير لو استبدلت الحروف المكررة بحروف ثانية غيرها .. بنظري
هنا راح يكون التشفير اصعب لاسباب اول شي لان عقلك راح يرفضها كجملة
مشفرة وياخذها على انها طلاسم وثانياً راح تضطر انك تستبدل كل الحروف
عشان ممكن يكون الحرف اللي استبدلته موجود بالجملة اساساً او انك تختار حرف
مو موجود بالجملة من الاساس وثالثاً ما راح تعرف ايش الحرف اللي تفك شفرته
وايش اللي تخليه!! .
احسها تحوس شوي بس لازم نجرب :/
راح استبدل اول ثلاث اكثر حروف تكراراً بس
الالف: ز
النون: ك
اللام: ح
*لاحظو اخترت حروف مو موجودة في الجملة الاساسية عشان ما تتلخبط الدنيا
الجملة راح تصير :
غدر زحسرعة زحثزكية صبزحز زكتظركي خزرج زحسجك
* شفتوا قد ايش الجملة مو مفهومة هذا وانا ما غيرت غير ثلاث حروف لو بغير كل
اللي تكرر كان علوم :)
بعدها راح تاخذ شفرتك وتكتبها بين اوراق الكتاب وتهمس لصديقك وانت
تعطيه الكتاب اقرا الرسالة وما تلقى نفسك غير ان خطتك نجحت وانت هربت
مبروووك :p
وبس .. هذا اللي عندي اليوم عن شفرة التكرار للكندي
اشوفكم في شفرات ثانية ان شاء الله :)
Take Care
مصادر :
كتاب الف اختراع واختراع - التراث الاسلامي في عالمنا
لقد جزبنى الموضوع و خاصة انى من المهتمين قديما بنفس الامور
ردحذف