السلام عليكم
عندي حب للشفرات واحسها شي غريب وحلو بنفس الوقت ، اليوم راح اتكلم عن الشفرة الشهيرة مورس كود ( شفرة مورس ) . هذي الشفرة من اهم الشفارات اللي مرت على العالم، وكان لها فايدة كبيرة في الحرب العالمية الثانية .
اذا كنت تبي تعرف عن مورس كود لازم تعرف عن التلغراف، هذولا الشيئين مرتبطين مع بعض في البداية ( الحين قاموا يستخدمون مورس كود في اشياء ثانيه لسهولتها، وسهولة تطبيقها في اشياء كثيره ).
* من اللي اخترع مورس كود؟. وايش هو التلغراف ؟
اوك صمويل مورس هو المخترع / الرسام الامريكي اللي كان له الفضل في اختراع التلغراف و مورس كود .
طيب ايش هو التلغراف ؟ هو جهاز اتصالات قديم استخدموه في القرن التاسع عشر وبدايات القرن العشرين (١٨٠٠-١٩٠٠) قبل ظهور التلفون . وكان عشان يرسلون البرقيات والنصوص ، وكان يعتمد على ترميز الحروف بنبضات كهربائية .
طيب ايش اللي خلا مورس يخترع التلغراف مع انه بالاساس رسام ، أولاً لازم اقول ان فيه رسامين كثير اخترعوا بجانب فنهم واولهم هو الرسام ليوناردو دافنشي ( بنظري ان يوم يكون الرسام مبدع في الرسم والالوان والزاوية والتفاصيل هذي عبقرية بحد ذاتها )، لكن الرسام صمويل كانت له قصة خلته يصر على انه يلقى طريقة للتواصل .
يوم من الايام كان مورس في واشنطن يرسم لوحة ، وبعدها جاه رجل البريد وكان معاه رساله من ابوه يقول ان زوجته كانت في مرحلة تعبانه ، فعلى طول رجع مورس الى مدينته، بس للأسف زوجته وقتها كانت ميته ودفنوها.
بعدها انقهر ان مرت ايام على هذا الحدث وهو ما كان عنده علم، والسبب عدم توفر اتصالات . من بعدها صار عنده اصرار انه يلقى طريقة اسرع للتواصل من البريد .
وفي عام ١٨٣٢م كان مورس في رحله بحريه وقتها التقى بشخص من بوستن تشارلز جاكسون. تشارلز كان يدرس الكهرومغناطيسية ، وكان مورس يشوفه وهو يسوي تجاربه من هنا بدت تجيه فكرة انه يطور مفهوم التلغراف ، من بعدها صارت شفرة مورس هي اللغة الاولى في التواصل التلغرافي في العالم، واخذ عليها براءة اختراع.
* تلغراف مورس الأول ( محفوظ في المتحف الوطني للتاريخ الأمريكي ) .
* ايش هو الـ SOS ؟
هي الإشارة اللي تنحط في حالات المحن ( الطوارئ ) ، اول ظهور لهذي الإشارة كانت من الحكومة الألمانية
في الراديو عام ١٩٠٥م . ومن بعدها صارت عالمية وكانوا يستعملونها في الراديو حتى عام ١٩٩٩م ، واستبدلوها بالـ GMDSS ( وهو انظمه معينه مختلفه عن ال اس او اس ) .
SOS هي عبارة عن مورس كود صيغتها "...---..." تم اختيار اختصار اس او اس مو لانها تهدف لكلمة معينه، لا بس لان صيغه حروفها في مورس كود اسهل . مثل ما تلاحظون ثلاث نقط وثلاث شرطات وثلاث نقط سهل حفظها وتطبيقها:).
* هذا صوت ال اس او اس .
* كيف نقدر نتعلم مورس كود ؟
مورس كود تقريباً سهلة لكن يبي لها ممارسة كثيير، انا عن نفسي ودي كثيير اني اتعلمها لكن للاسف انا انسانه كسولة جداً :/ . لكل حرف ولكل رقم صيغة معينه تحفظ ومن بعدها نقدر نطبق الكتابة .
هذي الصورة توضح كل حرف ويقابله الرمز حقه بمورس كود
طبعاً اكيد للشفرة قواعد لازم نتعلمها اذا بغينا نطبقها.
١- العلامة القصيرة اللي هي النقطه"dot" او "dit" (.) - وقتها راح يكون وقت وحدة واحدة بس .
٢- العلامة الطويلة اللي هي الشرطة "dash" او "dah" (-) - وقتها وقت ثلاث وحدات .
٣- الفراغ اللي بين النقاط والشرطات ( في نفس الحرف ) - وقتها وقت وحدة واحدة .
٤- الفراغ القصير ( اللي يكون بين الاحرف) -وقتها راح يكون وقت ثلاث وحدات .
٤- الفراغ المتوسط ( بيت الكلمات ) - وقتها وقت سبع وحدات .
اذا قدرت تطبقها ومع الممارسة اكيد راح تتقن مورس كود :).
* على اي اساس حطوا الحروف بهذا الترتيب من النقاط والشرطات ؟
صراحة ما اعرف اذا كان فيه سبب معين او طريقه معينه، لكن هذي
الصورة بتوضح كيف اخذوا الايحاء من كل حرف.
* طيب ليش اتعلم مورس كود ؟
امممم، صراحة مافيه سبب معين يخليك تتعلم مورس كود ممكن تكون ويردو وتحب هذي الاشياء "غريب اطوار"
عموماً اصلاً اغلب اللي يتعلمون مورس كود الحين هم هواه الراديو . يعني بالاحرى ماخذين الموضوع هوايه .
لكن فكر فيها من ناحية ثانية ممكن تكون في مشكلة وما تقدر تتكلم وكانت طريقتك الوحيدة عشان تقول هيلب مي!!
هو باستخدام مورس كود بيدك ولعلى وعسى تلقى احد يتقن هذي الشفرة، فراح تكون فيه احتماليه ان هذي الشفرة هي اللي تنقذ حياتك او على الاقل تقول فيها وصيتك ( الواضح اني اشوف افلام كثير xp ).
* طيب مورس كود بس تستخدم في التلغراف ؟
طبعاً لا، مورس كود استخدموها في اشياء كثيره، منها الضوء، حركة اليد، حتى ممكن يكون بالهرن حق السيارة .
مورس كود سهلة ولها قابلية انها تطبق في اشياء كثيره :) .
وانا ادور لقيت موقع تكتب فيه الكلام اللي تبي تحوله الى مورس كود، وهو يحوله لك الى رموز واذا بغيت بعد تكون صوتيه وبعدها يعطيك رابط للكود تقدر ترسله للي تبي، واللي رسلت له يقدر يرد عليك .
الموقع حلو وفيه خاصيه تتحكم فيها بسرعه الاوديو .
هذا هو الموقع : هنا
وهذي كلمه مني لكم :$ : هنا
في النهاية اتمنى انكم استفدتوا من التدوينة وان شاء الله راح يكون هناك سلسله عن الشفرات والالغاز.
Good Bye :)
* ايش هو الـ SOS ؟
هي الإشارة اللي تنحط في حالات المحن ( الطوارئ ) ، اول ظهور لهذي الإشارة كانت من الحكومة الألمانية
في الراديو عام ١٩٠٥م . ومن بعدها صارت عالمية وكانوا يستعملونها في الراديو حتى عام ١٩٩٩م ، واستبدلوها بالـ GMDSS ( وهو انظمه معينه مختلفه عن ال اس او اس ) .
SOS هي عبارة عن مورس كود صيغتها "...---..." تم اختيار اختصار اس او اس مو لانها تهدف لكلمة معينه، لا بس لان صيغه حروفها في مورس كود اسهل . مثل ما تلاحظون ثلاث نقط وثلاث شرطات وثلاث نقط سهل حفظها وتطبيقها:).
* كيف نقدر نتعلم مورس كود ؟
مورس كود تقريباً سهلة لكن يبي لها ممارسة كثيير، انا عن نفسي ودي كثيير اني اتعلمها لكن للاسف انا انسانه كسولة جداً :/ . لكل حرف ولكل رقم صيغة معينه تحفظ ومن بعدها نقدر نطبق الكتابة .
طبعاً اكيد للشفرة قواعد لازم نتعلمها اذا بغينا نطبقها.
١- العلامة القصيرة اللي هي النقطه"dot" او "dit" (.) - وقتها راح يكون وقت وحدة واحدة بس .
٢- العلامة الطويلة اللي هي الشرطة "dash" او "dah" (-) - وقتها وقت ثلاث وحدات .
٣- الفراغ اللي بين النقاط والشرطات ( في نفس الحرف ) - وقتها وقت وحدة واحدة .
٤- الفراغ القصير ( اللي يكون بين الاحرف) -وقتها راح يكون وقت ثلاث وحدات .
٤- الفراغ المتوسط ( بيت الكلمات ) - وقتها وقت سبع وحدات .
اذا قدرت تطبقها ومع الممارسة اكيد راح تتقن مورس كود :).
* على اي اساس حطوا الحروف بهذا الترتيب من النقاط والشرطات ؟
صراحة ما اعرف اذا كان فيه سبب معين او طريقه معينه، لكن هذي
الصورة بتوضح كيف اخذوا الايحاء من كل حرف.
* طيب ليش اتعلم مورس كود ؟
امممم، صراحة مافيه سبب معين يخليك تتعلم مورس كود ممكن تكون ويردو وتحب هذي الاشياء "غريب اطوار"
عموماً اصلاً اغلب اللي يتعلمون مورس كود الحين هم هواه الراديو . يعني بالاحرى ماخذين الموضوع هوايه .
لكن فكر فيها من ناحية ثانية ممكن تكون في مشكلة وما تقدر تتكلم وكانت طريقتك الوحيدة عشان تقول هيلب مي!!
هو باستخدام مورس كود بيدك ولعلى وعسى تلقى احد يتقن هذي الشفرة، فراح تكون فيه احتماليه ان هذي الشفرة هي اللي تنقذ حياتك او على الاقل تقول فيها وصيتك ( الواضح اني اشوف افلام كثير xp ).
* طيب مورس كود بس تستخدم في التلغراف ؟
طبعاً لا، مورس كود استخدموها في اشياء كثيره، منها الضوء، حركة اليد، حتى ممكن يكون بالهرن حق السيارة .
مورس كود سهلة ولها قابلية انها تطبق في اشياء كثيره :) .
وانا ادور لقيت موقع تكتب فيه الكلام اللي تبي تحوله الى مورس كود، وهو يحوله لك الى رموز واذا بغيت بعد تكون صوتيه وبعدها يعطيك رابط للكود تقدر ترسله للي تبي، واللي رسلت له يقدر يرد عليك .
الموقع حلو وفيه خاصيه تتحكم فيها بسرعه الاوديو .
هذا هو الموقع : هنا
وهذي كلمه مني لكم :$ : هنا
في النهاية اتمنى انكم استفدتوا من التدوينة وان شاء الله راح يكون هناك سلسله عن الشفرات والالغاز.
Good Bye :)
المصادر:
الصور من :
وعليكم السلام،شهالزين طحت بالصدفه على مدونتِك غنيه بالمعلومات ومواضيعك جميله بشكل رهيب إضفتك للستة مُدوناتي المفضله 💛🍃
ردحذف