قبل كم يوم كنت اطالع مسلسلي الجميل شيرلوك .. وانا اطالعه لفت انتباهي طريقة كان يسويها شيرلوك عشان يتذكر المعلومات اللي في نظرة تستحق ان الواحد يتذكرها .. كان تحوم حوله زي الافكار وكان يزيد التركيز الى ما يوصل للمعلومه حقته وكان يسميها ( mind palace ) .
وانا ابحث عن المعلومة في النت اكتشفت انها طريقه موجودة ومو من خيال الكاتب .. والطريقة يستخدمها كثيير من ابطال العالم في الذاكرة .. اللي انصدمت منه انه انا كنت اطبقها من انا صغيرة بس بطريقه غير مباشرة .. والغريب اني الى الان اتذكر اشياء من معلومة طبقت فيها طريقة ربط المعلومة بصور مشوقة يوم كنت في ثاني متوسط .
* طيب ايش هي المايند بالس ( قصر الدماغ ) ؟
أولاً المايند بالس لها اسماء بالعربي : قصر الدماغ ، قصر الذاكرة ، طريقة المواضع. وترجمتها بالانجليزي: Mind palace , Memory palace , Method of loci .
هو عبارة عن اسلوب او طريقة لحفظ المعلومات يبدا بصناعه المكان اللي تبي تحفظ فيه، تصنيفه على غرف ووضع المعلومة بطريقة مصورة من الافكار الرئيسية لها باسلوب مشوق -راح اشرح الطريقة بالتفصيل تحت - .. هي طريقة تستخدم فيها خيالك ميه بالميه، هي عالمك الخاص الاشياء اللي تحطها فيها محد راح يوصلها ولاحتى يفهمها غيرك :).
* كيف طلعت ؟
* الشاعر الإغريقي سيمونيدس (556-468 ق.م)
( راح اختصر القصه لان مالها داعي، بس اللي مهتم يقرا القصه كامله يلقاها على ويكي )
النظرية مأخوذة من اسطورة للشاعر الاغريقي سيمونيدس .. فجأة تحطم القصر اللي كان يلقي فيه الشعر وما نجا من المدعوين غيرة .. بعد ما انهار القصر جا اهالي المدعوين عشان يأخذون جثث المدعوين لكن ما قدروا يتعرفون عليهم لان تشوهت جثثهم من الحطام .. فراحو للشاعر عشان يساعدهم وقعد الشاعر وتخيل القصر قبل ما يتحطم وكون صورة كامله وساعد الاهالي على التعرف على الجثث .
* كيف اطبق المايند بالس ؟
#1
الطريقة جداً سهله ، اول شي حدد المكان اللي تبي تحط فيه معلومتك - هذي النقطه مره مهمه - قصر، بيت، مول اي شي سهل تصنيفه وفيها كذا مسار ويفضل انه يكون مكان تعرفه عشان ما تنسى اي تفاصيل فيه وتكون عندك صورة واضحة جداً عنه .
#2
ثاني شي صنف القصر حسب المعلومات اللي تبي تخزنها فيه. مثلاً لو تبي تخليها عشان تتعلم لغة جديدة وتحفظ مفرداتها صنف القصر حسب الابجدية .. او اذا كنت مثلاً راح تخزن معلومات تاريخيه صنف الغرف حسب العصور . في النهاية انت حر كيف تبي تصنف وعلى اي اساس بس حاول قد ما تقدر انها تكون مرتبه صح عشان تقدر ترجع لها بسرعه .
#3
وهي الاخيرة انك تاخذ المعلومة اللي تبي تحفظها وتحولها الى صور تساعدك تتذكرها وتحطها في الغرفة اللي انت مصممها لها .. هذي الصور مو لازم تكون على كل كلمه موجودة في المعلومة .. تقدر تكتفي بانها تعبر عن الافكار الاساسية لهذي المعلومة واترك الباقي على مخك :) . ولازم تنتبه لشي ثاني الصورة لازم تكون ممتعه ومشوقه عشان يسهل عليك حفظها، لان مخك متعود على الكلام والمعلومات الممله ومافيها شي يشده عشان يحفظها لك .. لكن لو خليتها انترستنق مثل ما يقولون اكيد راح يخزنها مخك لانها غريبه وشي مو متعود عليه ومستحيل ينساها، وتذكر دايماً انك تبدع في المشهد .
* طيب كيف راح احط كل معلوماتي في قصر واحد ؟
من قالك انه لازم تصمم قصر واحد، تقدر تصمم الاف لو تبي .. افهم ان هذا عالمك اللي تقدر تسوي فيه اللي تبي .. ربي انعم علينا بدماغ له قدرات جبارة لكن للاسف احنا ما نستخدم ربعها حتى .. عقلك قادر على انه يسوي اشياء كثير وعقلك قابل للتطوير تقدر تكون كل يوم اذكى من اليوم اللي قبله اشتغل عليه وماراح يخيب ظنك .. اذكر مره سمعت في برنامج Dr.oz ان هذي الطريقة تساعد على الوقاية من الزهايمر ان شاء الله .
* ايش هي الاخطاء اللي ممكن انا اسويها ؟
اممم ما اقدر اسميها اخطاء كثر ماراح اسميها اشياء راح تعيقك وممكن تضيع لك المعلومه مع الوقت
اولها :
انك ما تحدد مكان ممكن تجي وتقول انا راح اطبق الخطوة الثانية والثالثه بس ماراح اطبق الاولى لان مالها داعي .. هنا راح تخلي فكرتك تطفو في عقلك مالها مكان محدد في البدايه ممكن تاخذ منك وقت على ما تلقاها مع الوقت ممكن تضيعها او تنسى اجزاء منها والسبب انك ماحطيتها في تصنيف معين عشان تعرف هذي المعلومة تبع ايش وتخص ايش .. لكن لو حددت المكان راح يكون ايجادها اسهل بكثير مثلاً لو قلنا انت قاعد تتعلم لغه معينه ومثلا كنت في مطعم وبغيت تعرف ايش هي كلمة فاتورة بهذي اللغه راح تدخل قصرك اللي صممته لهذي اللغه وبعدين راح تدور الباب اللي فيه الحرف حق الكلمه او حتى الباب اللي انت خصصته للكلمات اللي تحتاجها في المطاعم من هذي اللغه - في النهاية انت تمشي حسب تصميمك واللي اريح لك - وبعدين تدخل الغرفه اللي انت حطيت فيها هذي المعلومه .. ممكن تلقى تلقى شطرنج ويكون الملك فيها ميت هذي الحركة راح تذكرني بكلمه تشك ميت وراح تربطني على طول ب check وهي الكلمه الانجليزيه الامريكيه من الفاتورة ( طبعاً هذي كيف انا اشوفها في مخي انت لك مجال الابداع حتى لو كان المشهد غريب اهم شي انه راح يوديك للمعلومه في النهايه هذا قصرك وانت حر فيه ) .. هذي الطريقة ماراح تاخذ منك ثواني عشان تسترجع المعلومة :)
غير كذا ممكن تكون صنفت القصر تصنيف قليل ومو مرتب ومنظم صح بهذي الطريقة ماراح تنسى المعلومه لكن راح تاخذ منك وقت اكثر على ما توصل لها .
وبعد ممكن تهمل الجانب الابداعي وتكون عندك كذا صورة مشابهه لبعض مع انهم معلومات مختلفه هذي راح تسوي لك مشكله ثانيه .
* ما اخذت فكرة واضحه عن هذي المعلومه :/ !!
اوك غمض عيونك وتخيل نفسك داخلت بيت جدتك .. اقعد تذكر كل تفصيل بالبيت كل شي الممر وكل شي رحت مريت ودخلت المطبخ تصور مطبخ جدتك عدل وين الطاولات وين الادراج وكل شي ولقيت على الطاولة (١) قطعه توست وفوقهاحبات مشروم ولقيت في الفريز (٢) سمكه وجنبها ثلاثه من كتبك يوم كنت في ثاني ( عاد مو مهم تتذكر كيف كانت اشكال كتبك اهم شي تحفظها على هذا الاساس ومخك راح يفهمها ) وعلى الارض (٣) تلقى رجل ماسك خده وكأن احد ضربه كف ومعاه في يده الكاميرا ورصاص مسدس طايح على الارض .
طبعاً انت تقول وش هالخرابيط xp .. انا اكون اعطيتك صوره لغرفه من الغرف اللي انا حطيتها في قصر من قصوري الفكريه :p .. خليت هذا القصر في بيت جدتي .. وخليت المطبخ اللي انت دخلت فيه غرفة حق المعلومات البسيطه والقصيره.. طيب يلا اشرح لك ايش كنت اقصد من كل مشهد من الغرفه .
(١) قطعت التوست انا ربطتها بالخميره والمشروم فربطته بالفطريات بكذا تكونت عندي معلومه ان الخميرة من الفطريات ( شفتوا ماكان لازم اكتب ان الخميره نوع من انواع الفطريات اكتفيت اني اكون صورتين وتركت الباقي على مخي )
(٢) السمكه ما ربطتها بشي هي الفكرة الاساسيه بس ثلاث كتب من ثاني ابتدائي فربطتها بثلاث ثواني بكذا كونت معلومه ان ذاكرة السمكه ثلاث ثواني ( مع اني سمعت ان هذي المعلومه غلط بس ما علينا اهم شي يوضح المثال )
(٣) عاد هذي شوي شقحت فيها xp الرجل اللي كان حاط يده على خده ربطتها بكلمه ئلم واللي هي تعني كف بالمصري :) وبعدين اخذت منها كلمه قلم والكاميرا ربطتها بالفوتو جرافيك وبعدين اخذت منها جرافيت ورصاص المسدس اخدت منها كلمه رصاص وبكذا صار عندي كلمه قلم وجرافيت ورصاص وهنا عندي معلومه ان قلم الرصاص من الجرافيت موش من الرصاص
(هذي الامثله اللي حطيتها لكم عشان تعطيكم فكره عن الطريقه منت ملزوم ابداً بطريقتي ممكن حتى تشوفها مو مفهومه عشان كذا اقول ان لكل واحد طريقته والمشهد اللي ممكن يفهم منه اكثر .. حتى ممكن تقرر انك تستخدم المايند بالس للمعلومات الاكثر تعقيداً موش معلومات بسيطه في النهايه it's up to you )
وفي النهايه حبيت تشاركوني هذا التي شيرت الجميل تقدر تطلبه اون لاين من هنا
Take care .. and always use your Mind Palaces :) c
مصادر:
اسنعراض جميل
ردحذفجمييييل راح تفيدني كثير في الاختبارات
ردحذفجميل طبقت المعلومة وانا اقرا شي رائع -- عاشت ايدك
ردحذفشكرن الك
حذف