ما عمركم مريتو من جنب إشارة وطالعتوا وقلتوا من اخترع هذا الإختراع؟. كيف كانت الحياه بدون ما يكون موجود؟
إشارة المرور فكرة بسيطة لكن تحل مشاكل كثيرة، مثل الزحمة، الحوادث، فوضوية المرور .
انا من زمان كان يطري على بالي هذا السؤال واليوم قررت اني اكتب عنه.
* ايش هو تاريخها ؟
اوك الإشارة المروريه مرت بمرحلتين، الإشارات الغازية ( غير كهربائية ) والإشارات الكهربائية اللي نستخدمها الحين
- الإشارات الغازية.
هي أول من ظهر خارج البرلمان البريطاني عام ١٨٦٨م . وكان مصممها مهندس سكك حديد جون بيك نايت .
طبعاً بما انه مهندس سكك حديد هذا يعني ان الإشارة كانت شبيهه بحد كبير بإشارات القطارات .
كان فيها اعلام تستخدم في النهار ، ولمبات حمراء وخضراء غازيه عشان الليل .
* هذي الصورة توضح كيف كانت الإشارة
الإشارة كانت ما تشتغل اوتوماتيكي. لا كان في شرطي مرور يحركها .
لكن هذي الاشارة للأسف انفجرت (عام ١٨٦٩م )؛ وكان نتيجه تسرب في أحد خطوط الغاز
تحت الرصيف. في ناس تقول انو الشرطي انقتل ، وفي ناس تقول انه اصاب فقط ( مافيه شي واضح عن هذا
الموضوع ). بعد اللي صار شكوا في ان الإشارة ممكن تهدد السلامة المرورية فتخلوا عن هذي المسألة الى
ان جاءت الإشارات الكهربائية .
- الإشارات الكهربائية .
اول إشارة كهربائية كان عام ١٩١٢م كان مصممها شرطي امريكي ليستر واير، وكان في ولاية يوتا
واستخدم فيها اللون الأحمر والأخضر .
وفي عام ١٩١٤م، اقامت الشركة الأمريكية للإشارات المورورية في اوهايو سستم إشارة فيها لون أحمر
وأخضر وكان فيها صوت ينبه بتغير اللون ( استعد ) .
الإشارة المرورية ثلاثية الألوان صممت عن طريق ضابط الشرطة وليام بوتز في ولاية ميشيغان
عام ١٩٢٠م.
* طيب كيف كانت الحياة قبل ما يطبقون نظام الاشارات المرورية ؟
ظهور الإشارات المرورية ما كان يبعد كثير عن بداية إنتشار السيارات، واصلاً وقتها كانت السيارات
منتشرة اكثر شي في امريكا و اوروبا، وكانت السيارات مو في إستطاعت الجميع مثل الحين .
لكن في نفس الوقت كان فيه مشكلة يواجهونها ان الشوارع كانت في فوضى، لأن كان يزاحم
السيارات، المشاه، والدراجات الهوائية ( السياكل ) ،وكان وقتها يستخدمون عربات الخيول فكانوا
كلهم يزاحمون السيارات في المرور .
بس مع الوقت خفت المشكلة بعد ما تناقصت اعداد عربات الخيول تدريجياً .
لكن مهما كان كان مشكلة موجودة فما كان منهم إلا ان تكون للشركات المصنعه للسيارات مهمه انهم يركبون لوحات تحذيريه تثبت على التقاطعات والمنحدرات ( وقتها كانت الشركات المصنعه للسيارات هي المسؤولة عن تركيب
لوحات التحذير )، لكن تم التصريح انها ما كانت تفيد كثيير . وان اعداد السيارات كانت في ازدياد .
الى ان تم اخيراً اختراع إشارة المرور :) .
وبس . هذا معلومات بسيطه جمعتها من الانترنت ، على الأقل تعطينا فكرة بسيطة عن الآله
اللي نمر بجنبها أكثر من مره وأكثر من وحدة ، ولو خربت وحدة منها ممكن تسبب حوادث
كثيييره وزحمة مالها نهاية :/ .
مع السلامة :)
المصادر :
الصور من :
ليست هناك تعليقات:
إرسال تعليق